Farg‘ona viloyatidagi ba'zi tumanlarda bog‘chalar uchun to‘lov miqdori ikki baravarga pasaytirildi
Prezidentning 2018 yil 8 avgustdagi qaroriga muvofiq Farg‘ona viloyatining So‘x tumani, Farg‘ona tumanining Shohimardon va Yordosh qishloqlarida joylashgan davlat maktabgacha ta'lim muassasalarida amaldagi ota-onalar to‘lovi miqdori 2023 yil 1 yanvarga qadar ikki baravarga pasaytirildi. Bu haqda “Huquqiy axborot” kanali xabar bermoqda.
Masalan, tuman markazi hisoblanmagan joylardagi bog‘chalarda hozirgi kunda bir nafar bola uchun to‘lov 105 ming (tuman markazida 115 ming) so‘m to‘lov belgilangan (10,5 soatlik), endilikda ushbu to‘lovning yarmi ya'ni 52 500 (tuman markazida 57 500) so‘m pul to‘lanadi.
Eslatib o‘tamiz, bundan tashqari Qashqadaryo viloyatining Dehqonobod, Kasbi, Mirishkor, Qamashi, Chiroqchi, Nishon, Yakkabog‘ va G‘uzor tumanlarida, Buxoro viloyatining Olot, Shofirkon, Qorako‘l, Peshku va Romitan tumanlarida, Surxondaryo viloyatining Qiziriq, Muzrabot, Oltinsoy, Boysun, Qumqo‘rg‘on, Uzun, Sariosiyo tumanlarida, Samarqand viloyatining Nurobod, Qo‘shrabot, Urgut, Bulung‘ur va Paxtachi tumanlarida, Jizzax viloyatining Baxmal, G‘allaorol, Forish, Mirzacho‘l va Yangiobod tumanlarida, Sirdaryo viloyatining Oqoltin, Mirzaobod, Xovos va Sardoba tumanlarida joylashgan davlat maktabgacha ta'lim muassasalarida ham ota-onalar to‘lovi miqdori ikki baravarga pasaytirilgan.
Mavzuga oid
10:16 / 16.09.2024
Farg‘ona pedagogika mahorat markazida xonalardan birida yashirin kamera aniqlandi. Uni o‘rnatgan o‘qituvchi uzr so‘radi
00:14 / 12.09.2024
Farg‘onada sog‘ligi yomonlashgan haydovchi boshqaruvni yo‘qotib, YTH sodir etdi va halok bo‘ldi
07:16 / 20.08.2024
Sanoatni boshqarishning vertikal tizimi joriy etiladi
07:40 / 17.08.2024