Moldova prezidenti AQSh elchixonasiga rad javobi berdi

Moldova prezidenti Igor Dodon Kishinevda joylashgan sobiq stadionning hududini AQSh elchixonasini qurish uchun berishdan bosh tortdi. Bu siyosatchi o‘zining feysbukdagi sahifasida yozgan.

Dodonning so‘zlariga ko‘ra, sobiq respublika stadionining o‘rnida bog‘ yoki mamlakatning barcha fuqarolari foydalanishi mumkin bo‘lgan madaniyat markazini qurish kerak.

«Men sobiq Respublika stadioni uchastkasini AQSh elchixonasining yangi binosi qurilishi uchun berish to‘g‘risidagi qonunni rasmiy ravishda rad etish haqida imzo chekdim», - deya ma'lum qildi Dodon. 

Eslatib o‘tamiz, avvalroq Moldova prezidenti norozilik aksiyalari bilan tahdid qilgandi.