Poroshenko Qrim bo‘yicha yangi topshiriq berdi

Ukraina yetakchisi Pyotr Poroshenkoning aytishicha, diplomatlarga BMT Bosh assambleyasining navbatdagi sessiyasi uchun Qrim yarim orolining maqomi to‘g‘risida yangi rezolyutsiyani tayyorlash haqida topshiriq bergan. Bu haqda RIA «Novosti» xabar qilmoqda.

Poroshenkoning ta'kidlashicha, BMT Bosh assambleyasi yarim orol bo‘yicha Ukrainaning pozitsiyasini bir necha bor qo‘llab-quvvatlagan.

«Men diplomatlarga BMT Bosh assambleyasining navbatdagi sessiyasi uchun Qrim bo‘yicha yangi rezolyutsiyani tayyorlash haqida topshiriq berdim. Bu Qrim maqomi bo‘yicha har qanday spekulyatsiyani to‘xtatish uchun qilindi», - deya ma'lum qilgan Poroshenko.