Despacito qo‘shig‘i ijrochisini tunab ketishdi

Ispaniyada mashhur Despacito qo‘shig‘ining ijrochilaridan biri sanaluvchi xonanda Deddi Yankining qiymati 2 mln yevrodan ko‘proq bo‘lgan zargarlik buyumlarini o‘g‘irlab ketishdi. Bu haqda Las Provincias xabar qilmoqda.

Nashr ma'lumotlariga ko‘ra, xonandaga tegishli zargarlik buyumlari Valensiya shahridagi mehmonxona xonasidan o‘g‘irlab ketilgan.

Qayd etilishicha, Yankining xonasidan 2,5 ming dollar naqd pul ham yo‘qolgan.

Ayni paytda politsiya ro‘y bergan hodisaning barcha tafsilotlarini aniqlashtirmoqda.

Avvalroq, «falastinlik» xakerlar YouTube’dan Despacito rekord klipini o‘chirib tashlashgani haqida xabarlar tarqalgandi.

Ta'kidlanishicha, buning o‘rniga ular klip haqidagi ma'lumotga «Falastinga ozodlik» shiorini qo‘shib qo‘yishgan.