O‘zbekiston terma jamoasi Toshkentda 3ta o‘rtoqlik o‘yini o‘tkazadi

O‘FA Osiyoning bir qancha terma jamoalari bilan Toshkentda o‘rtoqlik o‘yini o‘tkazish bo‘yicha kelishuvga erishdi. 
 
Jumladan, 6 sentabr kuni poytaxtimizdagi “Milliy” stadionida O‘zbekiston terma jamoasi Suriyaga qarshi bahs olib boradi. O‘yin soat 20:00da boshlanadi.
 
Bundan tashqari, oktabr oyidagi FIFA kunlaridan ham unumli foydalanish rejalashtirilgan. 13 oktabr kuni KXDR bilan, 16 oktabr kuni esa Qatar terma jamoasiga qarshi Toshkentda o‘rtoqlik o‘yinlari bo‘lib o‘tadi.
 
Yangi bosh murabbiy Ektor Kuper bu o‘yinlar orqali O‘zbekiston terma jamoasining asosiy tarkibini shakllantirib boradi. 
 
Bundan tashqari, Eron futbol federatsiyasi bilan o‘tkazilayotgan muzokaralar ijobiy yakuniga yetsa, 11 sentabr kuni forslar jamoasi Toshkentga keladi.