Foto: Shavkat Mirziyoyev va Imomali Rahmon Amir Temur maqbarasini ziyorat qildi

Shavkat Mirziyoyev va Imomali Rahmon Amir Temur maqbarasiga tashrif buyurdi. Sohibqiron bobomiz ruhi pokiga Qur'on tilovat qilindi, deb xabar bermoqda davlat rahbari matbuot xizmati.

Ma'lumki, Amir Temur mintaqamizdagi o‘nlab o‘lkalarni ishg‘ol qilib, ulkan imperiya barpo etgan. Qo‘shni mamlakatlar, jumladan, hozirgi Tojikiston hududi ham ushbu davlat tarkibida bo‘lgan. Shu jihatdan, Sohibqiron tarixi xalqlarimiz uchun umumiydir.

Mehmonlarga Amir Temur hayoti, ushbu maqbara qurilishi haqida so‘zlab berildi.

Tojikiston prezidenti o‘zi uchun Amir Temur va temuriylar davlati tarixiga oid yangi jihatlarni kashf etganini ta'kidladi, deyiladi xabarda.

Eslatib o‘tamiz, avvalroq davlat rahbarlari Registon majmuasini tomosha qilgandi.