Trampning maslahatchisi Suriya masalasida Rossiyaga bosim o‘tkazish usuli haqida ma'lum qildi

AQSh prezidentining milliy xavfsizlik masalalari bo‘yicha maslahatchisi Jon Boltonning Reuters’ga bergan intervyusida aytishicha, Qo‘shma Shtatlarda Suriya masalasi yuzasidan Rossiyaga bosim o‘tkazish dastaklari bor.

Siyosatchining so‘zlariga ko‘ra, hozirgi paytda Rossiya Suriyada «tiqilib qolgan» va Moskvaning Yevropadagi «fanatik diplomatik faoliyati» Rossiya tomoni Suriya mojarosini hal qilish bo‘yicha xarajatlarini qoplashda yordam taqdim etilishini xohlayotganidan darak beradi.

Boltonning ta'kidlashicha, Vashington buni Moskvadan qator masalalar bo‘yicha yordam olish uchun qo‘llashi mumkin. Xususan, AQSh ma'muriyatining asosiy talablaridan biri - Eron kuchlarining Suriya hududidan chiqib ketishidir.

Eslatib o‘tamiz, avvalroq Xitoy Suriya mojarosiga aralashishi haqidagi xabarlarni rad etgandi.