Jiu-jitsu. Ilhom Jo‘rayev yarim finalga chiqdi

Bugun Indoneziyadagi Osiyo o‘yinlari doirasida yettinchi kun bahslari o‘tkazilmoqda.

Jiu-jitsu bo‘yicha bahslarda Ilhom Jo‘rayev chorak finalda quvaytlik Emad Alsumaidni 3:0 hisobida mag‘lub etdi va yarim finalga yo‘l oldi.
 
Jiu-jitsuda bir sportchimiz mag‘lub bo‘ldi. -62 kg vazn toifasida yurtimiz sharafini himoya qilgan Rahimjon Subxonov qirg‘izistonlik Alimgeldi Abdijamil Uuluga 0:2 hisobida yutqazdi. Jahongir Mirahmedov nimchorak finalda BAA vakili Sakl Almarzuiga 0:100 hisobida mag‘lub bo‘ldi.
 
Yengil atletikaning balandlikka sakrash bahslarida hamyurtimiz Dmitriy Melsitov ilk urinishda 2,05 natijani qayd etdi.

Yengil atletikaning marafon musobaqasida Andrey Petrovning ishtiroki nihoyasiga yetdi. Hamyurtimiz 2:26:52 natija bilan marraga to‘qqizinchi bo‘lib yetib bordi. U birinchi o‘rinni qo‘lga kiritgan yaponiyalik Xiroto Inouedan 8,30 daqiqa ortda qoldi.