«O‘zbekneftgaz» 17ta kompaniyadagi o‘z ulushini sotadi 

"O‘zbekneftgaz" AJ tarkibiga kiruvchi neft-gaz tarmog‘i tashkilotlarining foydalanilmayotgan va ixtisosli bo‘lmagan aktivlarini ommaviy savdolarda xususiy mulkka sotiladi. Bu haqda Vazirlar Mahkamasining qarorida aytilgan.

Bu «O‘zbekneftgaz» AJ tashkilotlarining moliyaviy-iqtisodiy ahvolini mustahkamlash va yaxshilash uchun amalga oshirilmoqda.

Ro‘yxatda 150dan ortiq aktiv mavjud. Ulardan 17tasida kompaniyalar ustav kapitalidagi ulush.

Ular orasida: «Buxoro neftegazishchita'minot» MChJ, «Agro Plyus Neftegaz» MChJ, «Karbonam» MChJ, «Modellar uyi galereyasi» MChJ, «Muruvvat-Teks Xorazm», «Naglgaz maxsuskurilish» va boshqalar bor.

Agar obekt ochiq savdolarga qo‘yilgan kundan keyin uch oy mobaynida sotilmasa, tadbirkorlarga uni 10 yilgacha pulni bo‘lib-bo‘lib to‘lash sharti bilan sotib olish imkoni beriladi. Shu bilan birga, oldindan to‘lov aktivning bozor qiymati kamida 15% bo‘lishi kerak.

Eslatib o‘tamiz, avvalroq «O‘zbekneftgaz»ning ixtisosli bo‘lmagan aktivlari xususiy biznesga o‘tishi xabar qilingandi.