Fransiya prezidenti Emmanuel Makron AQSh prezidenti Donald Tramp va Vashingtonga bo‘lgan munosabatini o‘zgartirdi, deya ta'kidlaydi Associated Press agentligi.
Fransiya yetakchisi Parijda fransuz elchilari oldida qilgan 90 daqiqalik chiqishi davomida kelgusi yilda mamlakatning diplomatik ustuvor yo‘nalishlari uchun yo‘l xaritasini ma'lum qildi, deyiladi materialda.
Yangi yo‘l xaritasiga qaraganda, Makron AQShga bo‘lgan munosabatini o‘zgartirdi, deya ta'kidlaydi agentlik. Bu hattoki «bromans» (ikki erkaklar o‘rtasidagi yaqin do‘stona munosabatlar) deb atalgan, Makron bilan Tramp o‘rtasidagi namoyishkorona munosabatdan farq qiladi.
Uning nutqi Yevropa ittifoqini mavjud chaqiriqlarga qarshi kurash olib borish maqsadida kuchaytirishga qaratilgan edi.
2017 yilgi saylovlardan buyon Makron Trampni Parijdagi iqlim kelishuvidan va Eron yadroviy bitimidan chiqmaslikka ishontirishga urinib keldi. Shuningdek, Fransiya rahbari Trampni Yevropadan po‘lat va alyuminiyga bojlar joriy etmaslikka chaqirdi. Ammo Makronning sa'y-harakati behuda bo‘ldi, deya qayd etadi AP. Parijdagi nutqida Makron Yevropa ittifoqini AQShga tayanmasdan, o‘z himoyasi uchun ko‘proq mas'uliyatni o‘z zimmasiga olishga chaqirdi.
Eslatib o‘tamiz, avvalroq Tramp Makron bilan xavfsizlik va savdoni muhokama qilgani xabar berilgandi.
