Germaniya Berlin devorini qayta tiklaydi

Germaniya poytaxtida 1961 yildan 1989 yilgacha GFR va GDRni ajratib turgan Berlin devorining bir qismi tiklanadi. Bu haqda Associated Press xabar bermoqda.

Ta'kidlanishicha, artistlar guruhi oktabr oyining o‘rtalarida boshlanadigan va to‘rt hafta davom etadigan badiiy loyiha doirasida devorning bir qismini qayta tiklaydi. Art-obektni tomosha qilish uchun tashrif buyuruvchilar 15 yevro evaziga maxsus vizani sotib olishi lozim bo‘ladi. Bundan tashqari, ular o‘zlarining mobil telefonlarini topshirishlari hamda uning o‘rniga shaxsiy ekskursion yo‘nalishlar bo‘lgan smartfonlarni olishlari kerak, unda hujjatli filmlarni tomosha qilish, shuningdek, ko‘rgazma va konsertlarga tashrif buyurish ham kiritiladi. 

Art-loyiha ijodkorlarining so‘zlariga ko‘ra, mehmonlar boshqa mamlakatga sayohat qilishlari va ozodlik tuyg‘usini yo‘qotish nimani anglatishini tushunishlarini xohlashmoqda.