Bugun, 29 avgust kuni Indoneziyaning Jakarta hamda Palembang shaharlarida XVIII yozgi Osiyo o‘yinlari davom ettirilmoqda.
O‘zbekiston boks terma jamoasi a'zosi, Rio Olimpiadasi chempioni Hasanboy Do‘smatov turnir yarim finalga yo‘l oldi.
U chorak finalda qirg‘izistonlik Mirlan Turkbay uluni 5:0 (30:27, 30:27, 30:27, 30:27, 30:27) hisobida mag‘lubiyatga uchratdi.
Endi uning final yo‘llanmasi uchun raqibi xitoylik Vu Jonglin bo‘ladi.
Bugun yana 3 nafar o‘zbekistonlik bokschi, -56 kg vazn toifasida Miraziz Mirzahalilov (16:15), -64 kg vazn toifasida Iqboljon Xoldorov (12:30) va -75 kg vazn toifasida Isroil Madrimov (17:15) ham chorak final janglarida ringga chiqadi.
28 avgust kuni o‘tkazilgan bahslarda O‘zbekiston boks jamoasining uch vakili Jasur Latipov (-52 kg), Shunqor Abdurasulov (-60 kg) va Bobousmon Baturov (-69 kg) o‘z janglarida g‘alaba qozonib, Osiyo o‘yinlari yarim finaliga chiqqandi.
Yarim final janglari 31 avgust kuniga belgilangan.
