Qodirov «DXR»ga «yordam va qo‘llab-quvvatlovni» va'da qildi

Checheniston rahbari Ramzan Qodirov o‘zini mustaqil deb e'lon qilgan «Donetsk xalq respublikasi» («DXR») aholisi uchun «barcha zarur yordam va qo‘llab-quvvatlov»ni taqdim etishga va'da berdi. Bu haqda u o‘z Telegram-kanalida yozgan.

31 avgust kuni Donetsk markazidagi restoranda portlash yuz berdi, natijada «DXR» rahbari Aleksandr Zaxarchenko halok bo‘ldi.

Qodirov ro‘y bergan voqeani sharhlar ekan, Zaxarchenko «samimiy va o‘z xalqi uchun sodiq inson» bo‘lganini aytdi hamda unga hujumni «makkor va razil jinoyatchilar» amalga oshirganini ta'kidlab o‘tdi.

«Donbass uchun qiyin bo‘lgan bu kunda shuni ma'lum qilmoqchimanki, biz har qanday zarur yordam va qo‘llab-quvvatlovni taqdim etishga tayyormiz, sizlarni muammo bilan yakkama-yakka qoldirmaymiz!» - deya qayd etib o‘tdi Checheniston rahbari.