FIFA yilning eng yaxshi murabbiyi sovrini uchun kurashadigan uch nafar finalchi nomini e'lon qildi.
Ular - Fransiya terma jamoasi bosh murabbiyi Dide Desham, Xorvatiya terma jamoasi bosh murabbiyi Zlatko Dalich va «Real» klubining sobiq ustozi Zinedin Zidan.
Bu mutaxassislar muxlislar va ekspertlar o‘rtasida o‘tkazilgan so‘rovnomada eng ko‘p ovoz to‘pladilar.
Sovrin uchun kurashadigan nomzodlar ro‘yxatidan Massimiliano Allegri («Yuventus»), Stanislav Cherchesov (Rossiya terma jamoasi), Pep Gvardiola («Manchester Siti»), Yurgen Klopp («Liverpul»), Roberto Martines (Belgiya terma jamoasi), Diyego Simeone («Atletiko»), Garet Sautgeyt (Angliya terma jamoasi) va Ernesto Valverde («Barselona») tushib qoldi.
G‘olib nomi 24 sentabr kuni Londonda e'lon qilinadi.
