Uchtepa tumanida «Damas» ichidan yirik miqdordagi pullar o‘g‘irlab ketildi

Illyustrativ foto

Toshkent shahrining Uchtepa tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, 2 sentabrga o‘tar kechasi noma'lum shaxs Zargarlik ko‘chasida Chilonzor tumanida yashovchi S.N. tomonidan qarovsiz qoldirilgan “Damas” rusumli avtomashina oynasi ochiq qolganligidan foydalanib, uning salonidan 8 mln so‘m puli va 100 AQSh dollari bo‘lgan sumkani o‘g‘irlab ketgan.

Ko‘rilgan choralar natijasida ushbu jinoyatni Uchtepa tumanida yashovchi, muqaddam sudlangan B.A. sodir etganligi aniqlanib, ko‘lga olingan.

#Toshkent #o‘g‘rilik #Uchtepa