Ukrainada Rossiya OAV ishi to‘xtatilishi mumkin

Ukraina Oliy radasining tashqi ishlar bo‘yicha qo‘mitasi rahbari Anna Gopkoning ma'lum qilishicha, Milliy xavfsizlik va mudofaa kengashi Rossiyaning barcha ommaviy axborot vositalari ishini mamlakat hududida to‘xtatishga majburdir. Bu haqda u o‘zining feysbukdagi sahifasida yozgan.

Uning fikriga ko‘ra, Rossiyaning barcha ommaviy axborot vositalari sanksiyalar ro‘yxatiga kiritilishi kerak.

«Odamlar miyasi har kuni hujumga uchramoqda. Nega biz bunga chidashimiz kerak? Bu ommaviy axborot vositalarining erkinligi masalasi emas... Milliy xavfsizlik va mudofaa kengashi Moskvaning Ukrainadagi barcha kanallari faoliyatini tahlil qilishi hamda to‘xtatishi, ularni sanksiyalar ro‘yxatiga kiritishi kerak», - deb yozgan Gopko. 

Eslatib o‘tamiz, avvalroq Ukrainaning Qrimni qaytarib olish imkoniyatlari baholangandi.