Kim Chen In ikki hafta «yo‘qolib qolganidan» keyin omma oldida ko‘rinish berdi

KXDR yetakchisi Kim Chen In Shimoliy Koreya yadroviy dasturining «otasi» Chu Gyu Chxanning dafn marosimida qatnashdi. Bu haqda Koreya Markaziy telegraf agentligi xabar bermoqda.

4 sentabr kuni Janubiy Koreya ommaviy axborot vositalari Kim ikki haftadan ortiq vaqt davomida omma oldida ko‘rinish bermay, o‘zining mamlakatdagi turli korxonalarga tashriflarini keskin ravishda to‘xtatganidan so‘ng xavotirli xabarlar e'lon qildi. So‘nggi marta u haqida 21 avgust kuni xabar berilgan.

Dafn marosimidan olingan fotosuratda Kim yaxshi ko‘rinishga ega, u ozib ketmagan.

Avvalroq, joriy yilda Shimoliy Koreya rahbari bir necha marta shunday tarzda yo‘q bo‘lib qolgandi, deya yozadi agentlik. U 5 mart kuni Janubiy Koreya elchilari bilan uchrashuvdan oldin 18 kun davomida omma oldida ko‘rinmadi, so‘ng 25 martgacha, Pekinda XXR raisi Si Tszinpin bilan uchrashuvdan oldin g‘oyib bo‘ldi. 

Eslatib o‘tamiz, avvalroq Kim Chen In akasining o‘ldirilishiga guvoh bo‘lgan ikki ayol yo‘qolib qolgani haqida xabar berilgandi.