Oq uy Bashar Asadni ogohlantirdi

Oq uy Suriya prezidenti Bashar Asadga kimyoviy quroldan foydalanadigan bo‘lsa, harbiy kuch bilan tahdid qildi. Bu haqda RIA «Novosti» xabar tarqatgan.

Qayd etilishicha, bu haqda AQSh prezidentining matbuot kotibi Sara Sanders ma'lum qildi.

Uning aniqlik kiritishicha, Vashington Suriyaning Idlib viloyatidagi vaziyatni o‘ta jiddiylik bilan kuzatib bormoqda.

«Biz shuni aniq ma'lum qilmoqchimizki, qat'iy pozitsiyamiz avvalgidek qoladi: prezident Bashar Asad yana kimyoviy qurol ishlatishga qaror qilsa, AQSh va uning ittifoqchilari tezkor hamda to‘g‘ri javob beradilar», - deyiladi bayonotda. 

Eslatib o‘tamiz, avvalroq Tramp Rossiyani «jiddiy xato» haqida ogohlantirgandi.