Putin «butun dunyoga kuchli signal» bo‘lgan mashqlarga boradi

Foto: Rossiya Federatsiyasi Mudofaa vazirligi

Rossiya prezidenti Vladimir Putin «Vostok-2018» strategik mashqlarining bosqichlaridan biriga tashrif buyuradi, deya xabar beradi «Izvestiya» gazetasi.

Bu haqda Rossiya yetakchisining matbuot kotibi Dmitriy Peskov ma'lum qildi.

Uning so‘zlariga ko‘ra, Vladimir Putin «Vostok-2018» harbiy mashqlariga Vladivostokdagi Sharqiy iqtisodiy forumda ishtirok etgandan keyin boradi. Bu safar Xitoy armiyasi harbiy xizmatchilari ham Qurolli kuchlar harbiy mashqlarida ishtirok etmoqdalar. Peskovning aniqlik kiritishicha, XXR raisi Si Tszinpinning mashqlarga tashrif buyurishi rejalashtirilmagan.

Eslatib o‘tamiz, avvalroq Handelsblatt nashri Rossiyaning «Vostok-2018» harbiy mashqlari butun dunyo uchun «kuchli signal» ekani haqida yozgandi.

Nashr ekspertlarining fikriga ko‘ra, ushbu mashqlar dunyoga Rossiya yakkalatib qo‘yilmagani va eng qudratli davlatlardan biri uning ittifoqdoshi ekanini ko‘rsatib beradi.

#Vladimir Putin #Vostok-2018