Shotlandiyaning Piblsshir grafligida fotograflar guruhi nodir va yo‘qolib ketgan deb hisoblanuvchi Land Rover yo‘ltanlamaslariga duch kelishdi. Avtomobillar xususiy mulk hududida joylashgan omborda saqlanayotgan bo‘lgan. Bundan tashqari, Rolls-Royce V12 dvigateli o‘rnatilgan tajribaviy aerodrom avtomobili ham topilgan.
Mashinalardan biri Land Rover Series IIA Lightweight harbiy avtomobili bo‘lib, 1968 yilda jami 1500-2000 dona ishlab chiqarilgan.
Ikkinchi topilma Land Rover Defender 110 bo‘ldi. Hujjatlarga ko‘ra, u sinov avtomobili bo‘lib, model konversiyasi va turli vazifalarni bajarish uchun shassining mustahkamligi tekshirib ko‘rilgan.
So‘nggi avtomobil esa SRV1 aerodrom avtomobilidir. Mazkur tajribaviy mashina Rolls-Royce Meteor dvigateli bilan jihozlangan. Bunday dvigatellar 1964 yilgacha Britaniya tanklariga o‘rnatilgan. 27 litrli SRV1 motori 608 ot kuchiga ega bo‘lgan.
