09:40 / 10.09.2018
16270

Denis Istomin AQShdagi turnirda g‘alaba qozonib, navbatdagi titulini qo‘lga kiritdi

AQShning Chikago shahrida erkaklar o‘rtasida tennis bo‘yicha mukofot jamg‘armasi 150 ming dollarni tashkil etgan «Chellenjyer» musobaqasi yakuniga yetdi.

O‘zbekistonning birinchi raketkasi Denis Istomin final bahsida amerikalik Reili Opelkaga qarshi kortga chiqdi va 2 set davom etgan bahsda 6:4, 6:2 hisoblarida g‘alabaga erishib, musobaqa g‘olibiga aylandi.

Istomin finalga qadar nikaragualik Marselo Arevaloni 6:4, 6:1, amerikalik Tommi Polni 7:5, 6:3, belgiyalik Ruben Bemelmansni 6:3, 6:4, amerikalik Born Frantenjyeloni 6:1, 6:2 hisoblarida mag‘lub etgandi.

Avgust oyi oxirida Osiyo o‘yinlari g‘olibiga aylangan Istomin uchun bu faoliyatidagi uchinchi titul bo‘ldi. Ayni vaqtda dunyoning 76-raketkasi bo‘lib turgan Istomin 2012 yilda 33-o‘ringacha ko‘tarilgandi.

Top