Yevropaning o‘tgan mavsumdagi eng yaxshi klubi e'lon qilindi

Yevropa klublari assotsiatsiyasi bosh assembleyasi 2018 yilning eng yaxshi klubini e'lon qildi. Unga ko‘ra, Madridning «Real» klubi yil jamoasi deb e'lon qilindi.

Assembleya «Arsenal» va «Chelsi»ning ayollar jamoalarini ham Yevropadagi o‘tgan mavsumning eng yaxshilari deb topgan. Bundan tashqari, «Gent» klubi ijtimoiy sohadagi faoliyati uchun maxsus mukofot bilan taqdirlangan bo‘lsa, «Red Bull» Yevropaning eng yaxshi o‘sishga erishgan jamoasi sifatida e'tirof etildi.

Eslatib o‘tamiz, 2017/18 yillar mavsumida «Real» YeChLda ketma-ket uchinchi marta g‘alaba qozonib, musobaqa rekordini o‘rnatgan, Ispaniya chempionatida esa bronza medallarga sazovor bo‘lgandi.

Yevropa klublari assotsiatsiyasi UYeFAga a'zo mamlakatlardagi professional futbol klublarining manfaatlarini himoya qiluvchi tashkilot sifatida 2008 yilda tashkil etilgan. Qarorgohi Shveytsariyaning Non shahrida joylashgan tashkilotga ayni paytda italiyalik biznesmen Andrea Anelli rahbarlik qilmoqda.