Hukumatning ayrim qarorlariga o‘zgartirishlar kiritiladi

Normativ-huquqiy hujjatlar loyihalari muhokamasi portalida Vazirlar Mahkamasining “O‘zbekiston Respublikasi Hukumatining ayrim qarorlariga kiritilayotgan o‘zgartirishlar to‘g‘risida”gi qarori loyihasi joylashtirildi.

Hujjat bilan O‘zbekiston Respublikasi hukumatining ayrim qarorlariga o‘zgartirishlar kiritilishi mumkin.

O‘zbekiston Respublikasi hukumatining ayrim qarorlariga kiritilishi mumkin bo‘lgan o‘zgartish va qo‘shimchalar:

1. O‘zbekiston Respublikasi Vazirlar Mahkamasining “O‘zbekiston Respublikasi Davlat soliq qo‘mitasi faoliyatini tashkil etish masalalari to‘g‘risida”gi 1998 yil 12 yanvardagi 14-son qarorining (O‘zbekiston Respublikasi QT, 1998 y., 1-son, 2-modda) 5-bandi:

a) ikkinchi xatboshisi quyidagi tahrirda bayon qilinadi:

“davlat soliq organlari tomonidan o‘tkazilgan tekshirishlar natijasida qo‘shimcha undirib olingan summalar (O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining byudjyetdan tashqari jamg‘armasiga o‘tkaziladigan mablag‘lardan tashqari, shu jumladan, penyalar) hamda soliq haqidagi qonun hujjatlarini buzganlik uchun solingan moliyaviy jazo choralari summalarining 40 foizi miqdoridagi”;

b) quyidagi tahrirdagi uchinchi xatboshi bilan to‘ldiriladi:

“davlat soliq organlari tomonidan o‘tkazilgan xronometraj va kameral nazorat natijasida qo‘shimcha undirib olingan summalarining 10 foizi miqdoridagi”;

v) uchinchi xatboshidagi “25” raqami “40” raqami bilan almashtiriladi.

g) uchinchi xatboshi to‘rtinchi xatboshi hisoblanadi.

2. O‘zbekiston Respublikasi Vazirlar Mahkamasining “Vazirliklar, davlat qo‘mitalari va idoralarning byudjyetdan tashqari jamg‘armalariga mablag‘lar ajratishni tartibga solish chora-tadbirlari to‘g‘risida”gi 2010 yil 2 apreldagi 62-son qarori (O‘zbekiston Respublikasi QT, 2010 y., 4-son, 14-modda) 1-ilovasi:

a) 8-pozitsiya quyidagi tahrirda bayon qilinadi:

b) izoh qismining ***) quyidagi tahrirda bayon qilinadi:

“***)Ushbu mablag‘lardan O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti tomonidan aniqlangan holatlar bo‘yicha tushumlar mazkur Departamentning byudjyetdan tashqari jamg‘armasiga yo‘naltiriladi.

Shuningdek, davlat soliq xizmati organlari tomonidan aniqlangan holatlar bo‘yicha sud va (yoki) Bosh prokuratura huzuridagi Majburiy ijro byurosi tomonidan undirilib, ushbu organlarning byudjyetdan tashqari fondlariga belgilangan summalarni yo‘naltirilgan holda 40 foizini O‘zbekiston Respublikasi Davlat soliq qo‘mitasining Moddiy yordam, ijtimoiy muhofaza, soliq organlarini rivojlantirish va ko‘zda tutilmagan xarajatlar maxsus jamg‘armasiga yuborilishi belgilab qo‘yilsin”.