AQSh Makedoniyadan tashvishlanmoqda

AQSh Pentagon rahbari Jyeyms Mettis Rossiya Makedoniyaning Yevropa ittifoqi va NATOga a'zo bo‘lishiga bag‘ishlangan referendumga ta'sir o‘tkazishi mumkinligidan tashvish bildirdi. Bu haqda The Washington Examiner yozmoqda.

Ta'kidlanishicha, Mettis o‘zining Makedoniyaga tashrifi arafasida bunday bayonot bilan chiqdi. Uning qo‘shimcha qilishicha, AQSh shu tarzda ushbu mamlakatning «xalqi bilan birga» ekanligini namoyish etishni xohlaydi. Mettis demokratik mamlakatlar ishiga aralashmaslik zarurligini ta'kidladi.

«Menimcha, Rossiyaning Estoniyadan tortib Qo‘shma Shtatlargacha, Ukraina, hozir esa Makedoniyaga nisbatan qo‘llamoqchi bo‘lgan siyosati va yetkazmoqchi bo‘lgan zarari har doim chegaradan chiqib ketadi», - deya ma'lum qildi Mettis.

Eslatib o‘tamiz, avvalroq ekologik falokatda faqat Rossiya manfaat olishi mumkinligi ma'lum bo‘lgandi.