Berlin marafonida jahon rekordi o‘rnatildi

Keniyalik yuguruvchi Eliud Kipchoge marafonda yugurish bo‘yicha yangi jahon rekordini o‘rnatdi. Berlindagi musobaqada u masofani 2 soatu 1 daqiqa va 40 soniyada bosib o‘tdi.

Bu orqali u 2014 yil Berlin marafonida keniyalik boshqa bir sportchi Dennis Kimmeto tomonidan o‘rnatilgan rekordni 1 daqiqadan ortiqroq vaqtga yaxshiladi.

2017 yilning mayida Nike kompaniyasining reklama kampaniyasi doirasida Kipchoge bu masofada 2:00:25 ko‘rsatkich qayd etgandi. Bu ham rekord natija bo‘lgan, ammo o‘shanda rasmiy hisoblanmagandi.

Kipchoge 2016 yilgi Rio-de-Janeyro Olimpiadasining oltin medali sovrindori hisoblanadi. U 2018 yil yozida o‘tkazilgan London marafonida ham g‘olib chiqqan.