Shu yil 31 iyul kuni Toshkent shahrining Sergeli tuman IIBga tushgan hujjatlarga ko‘ra, 2017 yil 17 dekabr kuni Olmazor tumanida yashovchi Q.S. Yangi Sergeli ko‘chasida joylashgan avtomashina bozorida fuqaro S.D.ga tegishli “Neksiya” rusumli avtomashinani Toshkent viloyati Olmaliq shahrida yashovchi D.E.ga sotishini va avtomashinani bir necha kun ichida nomiga rasmiylashtirib berishini aytgan.
O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, ushbu shaxs aldov yo‘li bilan undan 6 050 AQSh dollari olib, bergan va'dasini bajarmay pullarni o‘z ehtiyojlari yo‘lida ishlatib yuborganligi ko‘rsatilgan. Q.S.ni ushlash choralari ko‘rilgan.
Holat yuzasidan jinoyat ishi qo‘zg‘atilib, ko‘rilgan choralar natijasida Q.S. qo‘lga olingan. Tergov harakatlari davom etmoqda.
— Muallif fikri tahririyat nuqtai nazarini ifoda qilmasligi mumkin.
— Tahririyat bu mavzu bo‘yicha ikkinchi tomonning fikrlariga ham minbar berishga tayyor
