Tramp Koreya yetakchilarining muzokaralariga baho berdi

Amerika Qo‘shma Shtatlari prezidenti Donald Tramp Shimoliy va Janubiy Koreya yetakchilari Kim Chen In hamda Mun Chje Inning o‘zaro uchrashuvi yakunlarini katta umid bilan qabul qildi. Bu haqda davlat rahbari tvitterdagi o‘z sahifasida yozgan.

Trampning so‘zlariga ko‘ra, KXDR yetakchisi yadroviy inspeksiyalar o‘tkazilishi, shuningdek, yadro obektlari buzib tashlanishiga rozi bo‘lgan.

«Shuningdek, Shimoliy va Janubiy Koreya 2032 yilgi Olimpiya o‘yinlarini birgalikda o‘tkazish bo‘yicha qo‘shma ariza topshirishga kelishib oldi. Juda hayajonli!» - deya ma'lum qilgan Tramp.

Eslatib o‘tamiz, avvalroq KXDR va Janubiy Koreya qo‘shma harbiy bitimni imzolagandi.

Shu bilan birga, marosimda mamlakatlar yetakchilari ham ishtirok etgan. Bunga qadar Kim Chen In va Mun Chje In yopiq eshiklar ortida muloqot o‘tkazgan.