AQSh o‘zbek paxtasiga amnistiya e'lon qildi 

AQSh O‘zbekiston paxta mahsulotlarini bolalar mehnati orqali yetishtirilgan mahsulotlar ro‘yxatidan chiqardi.  Bu haqda AQSh Mehnat vazirligi Xalqaro mehnat ishlari byurosi tayyorlagan hisobotda shunday deyiladi. 

Hisobotda aytilishicha,  O‘zbekiston va Paragvayda bolalar mehnati va majburiy mehnatga qarshi kurashda qator sa'y-harakatlar amalga oshirilgan va ilgari kuzatilgan salbiy amaliyot uchun AQSh hukumatining "qora ro‘yxati"da bo‘lgandi.  

Hisobotda O‘zbekiston,Braziliya va Paragvay hukumatlari bolalar mehnati, majburiy mehnatning har qanday shakliga qarshi murosasiz kurashga chog‘langani alohida e'tirof etildi. 

Xalqaro mehnat tashkilotiga ko‘ra, dunyodagi har 10 nafar bolaning biri turli ko‘rinishdagi mehnatga jalb etiladi va bu son 152 milliondan oshdi. Majburiy mehnatning turli shakllari bilan hisoblab chiqilganda, jahonda 25 million bola mehnatga majburlanadi.