AQShda zaharli ikki boshli ilon topildi

AQShning Virjiniya shtati Vudbrij shahrida yashovchi ayol o‘z bog‘ida ikki boshli noyob ilonni topib oldi. Bu haqda The Washington Post yozmoqda.

Mutaxassislar tomonidan o‘tkazilgan tadqiqot davomida shu narsa aniqlandiki, ilonning chap boshi ustun bo‘lib, o‘zini nisbatan faolroq tutgan va tashqi qo‘zg‘atuvchilarga tezroq reaksiya bildiradi. U yerda traxeya (nafas olish yo‘llari, bo‘g‘iz) yaxshiroq rivojlangan, o‘ng qismda esa qizilo‘ngach yaxshiroq shakllangan. Ta'kidlanishicha, ikkala boshda ham zahar bor.

Shu bilan birga, ilonda bir yurak va bir juft o‘pka mavjud.

Biologlarning ma'lumotlariga ko‘ra, ikki boshli ilonlar tabiatda juda kam uchraydi. Ilgari qayd etilgan holatlarning aksariyati maxsus saqlash joylarida kuzatilgan.