Xitoy AQSh savdo urushida kuchli zarbaga uchrashini kutmoqda

Xitoy tijorat vaziri o‘rinbosari Van Shouvenning ma'lum qilishicha, oshirilgan bojlarning joriy etilishi Xitoyga suyultirilgan tabiiy gaz yetkazib beruvchi sifatida AQShga ta'sir qiladi. Bu haqda RIA «Novosti» xabar bermoqda.

«AQSh - Xitoyga suyultirilgan tabiiy gaz yetkazib beruvchi muhim mamlakat, ammo Amerika tomonidan qabul qilingan cheklangan savdo choralari tufayli Xitoy shunga o‘xshash choralarni ko‘rishga majbur bo‘ldi. Albatta, bu Xitoyga suyultirilgan tabiiy gaz eksporti bozorida muhim davlat bo‘lgan AQShga ta'sir qilishi mumkin», - deya aytib o‘tdi Van Shouven.

Uning ta'kidlashicha, hozirgi vaqtda Avstraliya ham Xitoyga suyultirilgan tabiiy gazni yetkazib berayotgan muhim mamlakat bo‘lib, unda kelajakda yaxshi istiqbollar mavjud.

Eslatib o‘tamiz, avvalroq Xitoy AQSh savdo gegemoniyasi haqida ma'lum qilgandi.

Xitoy Xalq Respublikasi Davlat kengashining fikricha, Qo‘shma Shtatlar hukumati Xitoyga o‘z manfaatlarini majburlab o‘tkazmoqchi.