Talonchilik qilmoqchi bo‘lgan kollej o‘quvchisi ushlandi

2018 yil 25 sentabr kuni Toshkent shahrining Yunusobod tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, shu tumanda yashovchi, Yunusobod mashinasozlik kasb-hunar kolleji o‘quvchisi, muqaddam sudlangan Ye.I. shu daha oldida fuqaro T.D.ni uxlab yotganligidan foydalanib, uning cho‘ntagidan “MI-5” mobil telefonini olayotgan vaqtida T.D. uyg‘onib qolgan va Ye.I. unga kuch ishlatish yo‘li bilan tan jarohat yetkazib mobil telefonini tashlab, voqea joyidan qochayotgan vaqtida hududda xizmat olib borayotgan ichki ishlar organlari xodimlari tomonidan qo‘lga olingan.

Holat yuzasidan jinoyat ishi qo‘zg‘atilib, tergov harakatlari olib borilmoqda.