Hindistonda Shavkat Mirziyoyevni tantanali kutib olish marosimi bo‘lib o‘tdi

Hindistonda prezident Shavkat Mirziyoyevni tantanali kutib olish marosimi bo‘lib o‘tdi. Marosim prezidentning Facebook’dagi sahifasida efirga uzatildi.

Oliy martabali mehmon sharafiga faxriy qorovul saf tortdi. O‘zbekiston madhiyasi yangradi.

Shavkat Mirziyoyev va rafiqasini tantanali kutib olish marosimi Hindiston prezidentining saroyida bo‘lib o‘tdi. 

Mirziyoyev O‘zbekiston va Hindiston ommaviy axborot vositalari uchun qisqa bayonot ham berdi.
 
Bugun Prezident Shavkat Mirziyoyevning Hindiston bosh vaziri Narendra Modi bilan tor va keng doiradagi muzokaralari bo‘lib o‘tadi.