Qo‘shma Shtatlarning prezident Donald Tramp rahbarligi paytidagi obro‘si Amerika ittifoqdoshlari oldida ancha pasaydi, deb xabar bermoqda Reuters Pew Research Center tadqiqotiga asoslanib.
Qo‘shma Shtatlarning obro‘si bir yil davomida yomonlashdi, bu vaqt ichida Tramp Kanada va Germaniyaga hujumlarini kuchaytirdi, deyiladi materialda.
Pew Research Center so‘rovining ko‘rsatishicha, 2017 yilda - Tramp hukmronligining birinchi yilida - katta muvaffaqiyatlarga erishgan Amerika imiji 2018 yil davomida ko‘plab davlatlarda, ayniqsa Yevropada yomonlashdi.
Hozirgi vaqtda nemislarning atigi 30 foizi Qo‘shma Shtatlarga ijobiy munosabatda bo‘lib turibdi - bu ko‘rsatkich o‘tgan yilga nisbatan 5 foizga kamaygan. Frantsuzlarning faqat 38 foizi va kanadaliklarning 39 foizi Qo‘shma Shtatlarga ijobiy munosabatda bo‘lmoqda.
Agentlikning qo‘shimcha qilishicha, 2017 yil yanvaridan boshlab, ya'ni Donald Tramp AQSh prezidentligiga rasman kirishganidan so‘ng, u bir tomonlama ravishda xalqaro hamkorlikning iqlim bo‘yicha Parij bitimi va Eron yadro bitimi (Qo‘shma keng ko‘lamli harakatlar rejasi, unda Rossiya, Xitoy, Fransiya va Buyuk Britaniya ham bor) kabi shakllaridan chiqib ketdi.
Bundan tashqari, u Shimoliy Koreya rahbari Kim Chen In va Rossiya prezidenti Vladimir Putin kabi rahbarlar bilan do‘stlashib oldi, shuningdek, NATO bo‘yicha ittifoqdoshlar va yaqin qo‘shnilarni tanqid qila boshladi, deyiladi materialda.
Iyun oyida, Kanadadagi G7 sammitidan so‘ng, Tramp AQSh ittifoqchilari bilan qo‘shma bayonotni imzolashdan bosh tortdi hamda mezbon mamlakat yetakchisi - bosh vazir Jastin Tryudoning ustidan kulib, uning xatti-harakatini «behuda va zaif», deya ta'rifladi. Amerika yetakchisi mudofaa xarajatlarning pastligi va Rossiya gaziga bo‘lgan qaramlik tufayli Germaniyani bir necha bor tanqid ostiga oldi, deya aniqlik kiritadi Reuters.
O‘tgan hafta, Nyu-Yorkdagi BMT Bosh assambleyasi yig‘ilishida nutq so‘zlab, AQSh prezidenti Donald Tramp Oq uydagi ikki yil davomida AQSh tarixidagi istalgan ma'muriyatdan ko‘proq ish qilganini iddao etib, jahon yetakchilarining kulgisiga sabab bo‘ldi.
Eslatib o‘tamiz, avvalroq Britaniyada darg‘azab Trampning noodatiy haykali paydo bo‘lgandi.
