«O‘ztransgaz» raisi gaz narxining oshishi to‘g‘risida o‘z fikrini bildirdi

Bugun Xalqaro Press-klubning navbatdagi anjumanida «O‘ztransgaz» aksiyadorlik jamiyati boshqaruvi raisi Sharifjon Tursunov ishtirok etdi, deb xabar berdi O‘zA. 

3 oktabr kuni Xalqaro Press-klubda «Energetika resurslari: islohotlar davrida tejamkorlik va iste'mol madaniyatidagi muammolarning tahlili» mavzusida anjuman bo‘lib o‘tdi.

Tadbirda «O‘ztransgaz» aksiyadorlik jamiyati boshqaruvi raisi Sharifjon Tursunov ishtirok etdi. U gaz narxlarining oshishi aniq emasligini ma'lum qildi.

«Gaz narxlarining oshishi aniq emas. Narxlar oshishini tasdiqlay olmayman. Qolaversa, gaz narxlarining ko‘tarilishi yoki o‘zgarishini «O‘ztransgaz» hal qilmaydi. Bu bizning vakolatimizga kirmaydigan masala», - deya aytib o‘tgan Sharifjon Tursunov.

Eslatib o‘tamiz, bugungi kunda ijtimoiy tarmoqlarda va turli Telegram kanallarida elektr energiyasi, gaz, suv va yoqilg‘i narxlarining oshishi haqida ma'lumotlar tarqalmoqda.