OAV: Google rahbari maxfiy ravishda Pentagonga tashrif buyurgan

Google kompaniyasi bosh direktori Sundar Pichai Pentagonga maxfiy ravishda tashrif buyurgan. Bu haqda The Washington Post xabar bermoqda.

Nashr ma'lumotlariga ko‘ra, Pichaining tashrifi Google’ning Pentagon dasturlaridan birida ishtirok etish uchun shartnoma muddatini uzaytirishdan bosh tortishi bilan bog‘liq bo‘lgan.

Ta'kidlanishicha, Google rahbari AQSh Mudofaa vazirligining bir qator rasmiy vakillari bilan uchrashib, «yuzaga kelgan keskinlikni» pasaytirmoqchi bo‘lgan.

Shu bilan birga, Google vakillari bu ma'lumotga izoh berishmadi.

Eslatib o‘tamiz, avvalroq Belgiya xarita sabab Google’ni sudga berishga qaror qilgandi.