Tadbirkorlar uchun majburiy bo‘lgan hujjatlarga muhr bosish majburiyati bekor qilinishi rejalashtirilmoqda

Normativ-huquqiy hujjatlar loyihalari muhokamasi portalida hukumatning ayrim qarorlariga o‘zgartish va qo‘shimchalar kiritish to‘g‘risidagi Vazirlar Mahkamasi qarori loyihasi joylashtirildi.

Hujjat bilan Vazirlar Mahkamasining 2002 yil 15 noyabrdagi 396-son qarori bilan tasdiqlangan Lotereyalar tashkil etish va o‘tkazish tartibi to‘g‘risidagi Nizomning 11-bandi uchinchi xatboshisidan “va tashkilotchilarning muhri bilan tasdiqlangan” so‘zlari chiqarib tashlanishi mumkin.

Vazirlar Mahkamasining 2003 yil 31 yanvardagi 54-son qarori bilan tasdiqlangan Transport vositalarini majburiy texnik ko‘rikdan o‘tkazish tartibi to‘g‘risidagi Nizomning 22-bandi ikkinchi xatboshisi quyidagi tahrirda bayon etiladi:

“yuridik shaxsning rahbari, bosh buxgalter (bosh buxgalter funksiyasini bajaruvchi shaxs) tomonidan imzolangan, yuridik shaxsning muhri bilan tasdiqlangan (tadbirkorlik sub'yektlari bundan mustasno) texnik ko‘rik dalolatnomasining bir nusxasi”.

Vazirlar Mahkamasining 2003 yil 13 fevraldagi 75-son qarori bilan tasdiqlangan O‘zbekiston Respublikasida chakana savdo Qoidalarining 58-bandi ikkinchi xatboshisidan “va muhri” so‘zlari chiqarib tashlanadi.

Vazirlar Mahkamasining 2003 yil 9 iyuldagi 308-son qarori bilan tasdiqlangan Qimmatli qog‘ozlar bozorida kasbiy faoliyatni litsenziyalash to‘g‘risidagi Nizomning 16-bandi ikkinchi xatboshisidan “litsenziya talabgorining muhri bilan tasdiqlangan” so‘zlari chiqarib tashlanadi.

Vazirlar Mahkamasining 2003 yil 16 iyuldagi 314-son qarori bilan tasdiqlangan Lotereyalar tashkil etish faoliyatini litsenziyalash to‘g‘risidagi Nizomning 8-bandi sakkizinchi xatboshisi quyidagi tahrirda bayon etiladi:

“litsenziya talabgori tashkil etishni mo‘ljallayotgan lotereya o‘tkazish shartlarining litsenziya talabgori rahbarining imzosi bilan tasdiqlangan loyihasi”.

Vazirlar Mahkamasining 2003 yil 30 sentabrdagi 416-son qarori bilan tasdiqlangan Tashqi savdo operatsiyalari ustidan monitoring olib borish tartibi to‘g‘risidagi Nizomda:

a) 3.9-bandidan ikkinchi jumla chiqarib tashlanadi;

b) 4^-1-bandi o‘n ikkinchi xatboshisi quyidagi tahrirda bayon etiladi:

“Invoyslar eksport qiluvchining imzosi bilan tasdiqlanishi kerak”.

Vazirlar Mahkamasining 2004 yil 21 dekabrdagi 595-son qarori bilan tasdiqlangan Xalq banki tomonidan fuqarolarni jamg‘arib boriladigan pensiya tizimida shaxsan hisobga olishni yuritish tartibi to‘g‘risidagi Nizomning 22-bandidan “va muhr (mavjud bo‘lsa)” so‘zlari chiqarib tashlanadi.

Vazirlar Mahkamasining 2007 yil 19 sentabrdagi 198-son qarori bilan tasdiqlangan O‘zbekiston Respublikasining bojxona hududidan olib chiqiladigan tovarlarning bojxona qiymatini belgilash va deklaratsiyalash tartibi to‘g‘risidagi Nizomning 15-bandi oltinchi xatboshisi quyidagi tahrirda bayon etiladi:

“tashkilotning rahbari, bosh buxgalteri imzolari bilan tasdiqlangan bo‘lishi kerak”.

Vazirlar Mahkamasining 2010 yil 21 iyuldagi 154-sonli “Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturini shakllantirish mexanizmini takomillashtirish va amalga oshirish bo‘yicha qo‘shimcha chora-tadbirlar to‘g‘risida”gi Qaroriga 1-ilovaning 4-bandi ikkinchi xatboshisining rus tilidagi matnidan “i pechatyu zayavitelya” so‘zlari chiqarib tashlanadi.

Vazirlar Mahkamasining 2010 yil 28 oktabrdagi 239-son qarori bilan tasdiqlangan Tovarlar (ishlar, xizmatlar)ga tartibga solinadigan narxlar (tariflar)ni shakllantirish, deklaratsiya qilish (tasdiqlash) va belgilash hamda ularning qo‘llanilishini davlat tomonidan nazorat qilish tartibi to‘g‘risidagi Nizomning 22-bandi “a” kichik bandi quyidagi tahrirda bayon etiladi:

“taqdim etilgan materiallar tikilgan, tartib raqami qo‘yilgan, xo‘jalik yurituvchi sub'yekt rahbarining imzosi bilan tasdiqlangan bo‘lishi kerak, moliyaviy hujjatlar esa xo‘jalik yurituvchi sub'yektning rahbari va bosh buxgalteri tomonidan birgalikda imzolangan bo‘lishi kerak”.

Vazirlar Mahkamasining 2010 yil 4 noyabrdagi 244-son qarori bilan tasdiqlangan Kompleks tadbirkorlik litsenziyasi (franshizing) shartnomalarini davlat ro‘yxatidan o‘tkazish tartibi to‘g‘risidagi Nizomning 7-bandi o‘n birinchi xatboshisidan “va o‘z muhri” so‘zlari chiqarib tashlanadi.

Vazirlar Mahkamasining 2011 yil 16 fevraldagi 35-son qarori bilan tasdiqlangan O‘zbekiston Respublikasida xavfli yuklarni avtomobil transportida tashish Qoidalarining 49-bandidan “shuningdek muhr” so‘zlari chiqarib tashlanadi.

Vazirlar Mahkamasining 2011 yil 28 apreldagi 122-son qarori bilan tasdiqlangan O‘zbekiston Respublikasida ishlab chiqarilayotgan mahsulotlarning sifat va xavfsizlik talablariga muvofiqligini ishlab chiqaruvchi tomonidan ma'lum qilish tartibi to‘g‘risidagi Nizomning 11-bandidan “va ishlab chiqaruvchining muhri bilan tasdiqlangan” so‘zlari chiqarib tashlanadi.

Vazirlar Mahkamasining 2011 yil 10 maydagi 129-son qarori bilan tasdiqlangan Rieltorlik faoliyatini litsenziyalash to‘g‘risida Nizomning 9-bandi “v” va “g” kichik bandlaridan “yuridik shaxs muhri bilan tasdiqlangan” so‘zlari chiqarib tashlanadi.

Vazirlar Mahkamasining 2011 yil 16 maydagi 136-son qarori bilan tasdiqlangan Xorijiy investitsiyalar ishtirokidagi korxonalar tomonidan o‘z ishlab chiqarish ehtiyojlari uchun olib kelinayotgan mol-mulkni aniqlash tartibi to‘g‘risidagi Nizomning 7-bandi birinchi xatboshisidan “va ariza beruvchining muhri” so‘zlari chiqarib tashlanadi.

Vazirlar Mahkamasining 2011 yil 25 maydagi 149-son qarori bilan tasdiqlangan Qonun hujjatlari buzilganligi uchun ushlangan transport vositalarini to‘xtash joylariga olib kelish, joylashtirish va saqlash tartibi to‘g‘risidagi Nizomda:

a) 6-band ikkinchi xatboshi quyidagi tahrirda bayon etiladi:

“transport vositasini to‘xtash joyiga joylashtirish maqsadida uni qabul qilish uchun yonida xizmat guvohnomasiga hamda yuridik shaxs tomonidan berilgan va uning muhri bilan tasdiqlangan (tadbirkorlik sub'yektlari bundan mustasno) transport vositalarini tashish (evakuatsiya qilish) huquqini beruvchi ishonchnomaga ega bo‘lishi kerak”;

b) 10-band ikkinchi xatboshi quyidagi tahrirda bayon etiladi:

“Ushbu ruxsatnoma lavozimi, unvoni (mavjud bo‘lsa), familiyasi, ismi, otasining ismi, sana va vaqt ko‘rsatilgan va muhr bilan tasdiqlangan holda (tadbirkorlik sub'yektlari bundan mustasno) rahbar yoki vakolatli mansabdor shaxs tomonidan imzolanadi”.

Vazirlar Mahkamasining 2011 yil 17 noyabrdagi 306-son qarori bilan tasdiqlangan Aholi bilan pulli hisob-kitoblarni amalga oshirishda fiskal xotiraga ega bo‘lgan nazorat-kassa mashinalarini qo‘llash tartibi to‘g‘risidagi Nizomga 1-ilovaning 5-bandi “z” kichik bandidan “xo‘jalik yurituvchi sub'yektning muhri bilan tasdiqlangan” so‘zlari chiqarib tashlanadi.

Vazirlar Mahkamasining 2012 yil 15 martdagi 72-son qarori bilan tasdiqlangan Audiovizual asarlarni, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash bo‘yicha faoliyat turlarini litsenziyalash to‘g‘risidagi Nizomda:

a) 19-band beshinchi, sakkizinchi, o‘n birinchi va o‘n beshinchi xatboshilaridan “yuridik shaxsning muhri bilan tasdiqlangan” so‘zlari chiqarib tashlanadi;

b) 35-band uchinchi xatboshidan “lisenziat muhri bilan tasdiqlangan” so‘zlari chiqarib tashlanadi.

Vazirlar Mahkamasining 2012 yil 13 apreldagi 109-son qarori bilan tasdiqlangan O‘zbekiston Respublikasi temir yo‘l transportida yo‘lovchilar, bagaj va yuk bagaj tashish Qoidalarining 28-bandi ikkinchi xatboshisi quyidagi tahrirda bayon etiladi:

“Buyurtmanoma yuridik shaxs rahbari va bosh hisobchisi tomonidan imzolangan hamda muhr bilan tasdiqlangan (tadbirkorlik sub'yektlari bundan mustasno) bo‘lishi kerak. Unda yuridik shaxs nomi, talab qilinadigan joylar soni, yo‘lovchi tashish poyezdi tartib raqami, jo‘nash sanasi hamda jo‘nash va yetib kelish stansiyasi ko‘rsatiladi”.

Vazirlar Mahkamasining 2013 yil 27 dekabrdagi 344-son qarori bilan tasdiqlangan Xo‘jalik yurituvchi sub'yektlar birlashmalarini tashkil etishga, xo‘jalik yurituvchi sub'yektlarni qo‘shib yuborishga va qo‘shib olishga oldindan rozilik berish tartibi to‘g‘risidagi Nizomning 8-bandi beshinchi xatboshisidan “va muhr bilan tasdiqlanadi” so‘zlari chiqarib tashlanadi.

Vazirlar Mahkamasining 2014 yil 6 martdagi 53-son qarori bilan tasdiqlangan Moddiy madaniy meros obektlarini va ularga tutash hududlarni ularni obodonlashtirish va zarur holatda saqlash bo‘yicha investitsiya majburiyatlari olgan holda ijaraga berish tartibi to‘g‘risidagi Nizomning 30-bandi “uni muhr bilan tasdiqlaydi” so‘zlaridan keyin “tadbirkorlik sub'yektlari bundan mustasno” so‘zlari blan to‘ldiriladi.

Vazirlar Mahkamasining 2014 yil 1 avgustdagi 213-son qarori bilan tasdiqlangan O‘zbekiston Respublikasida avtomobil transportida yuklarni tashish Qoidalarida:

a) 57-banddan “shuningdek muhr” so‘zlari chiqarib tashlanadi;

b) 86-band uchinchi xatboshidan “muhr va” so‘zlari chiqarib tashlanadi.

Vazirlar Mahkamasining 2014 yil 8 sentabrdagi 250-son qarori bilan tasdiqlangan Yoshlarning ko‘p kvartirali uylaridan yosh oilalarga kvartiralar berish masalalarini ko‘rib chiqish tartibi to‘g‘risidagi Nizomning 7-bandi “d” kichik bandi quyidagi tahrirda bayon etiladi:

“ish beruvchining muhri bilan tasdiqlangan (tadbirkorlik sub'yektlari bundan mustasno) mehnat daftarchasi nusxasi”.

Vazirlar Mahkamasining 2014 yil 15 sentabrdagi 263-son qarori bilan tasdiqlangan Ish o‘rinlarini mehnat sharoitlari va asbob-uskunalarning jarohatlash xavfliligi yuzasidan attestatsiyadan o‘tkazish tartibi to‘g‘risidagi Nizomning 30-bandi “v” kichik bandi quyidagi tahrirda bayon etiladi:

“o‘lchashlar va baholashlar bayonnomasi ularni o‘tkazgan attestatsiyadan o‘tkazuvchi tashkilotning mutaxassislari, shuningdek attestatsiyadan o‘tkazuvchi tashkilotning mas'ul mansabdor shaxsi tomonidan imzolanadi va attestatsiyadan o‘tkazuvchi tashkilotning muhri bilan tasdiqlanadi (tadbirkorlik sub'yektlari bundan mustasno)”.

Vazirlar Mahkamasining 2014 yil 6 oktabrdagi 279-sonli “Davlat mulki obektlarini xususiylashtirish tartibi to‘g‘risidagi nizomlarni tasdiqlash haqida”gi Qarorida:

a) 1-ilovaning 8-bandi ikkinchi xatboshisidan “va muhr bilan tasdiqlanishi” so‘zlari chiqarib tashlanadi;

b) 2-ilovaning 16-bandi ikkinchi xatboshisidan “va muhr bilan tasdiqlanishi” so‘zlari chiqarib tashlanadi;

v) 3-ilovada:

7-band ikkinchi xatboshisidan “va muhr bilan tasdiqlanishi” so‘zlari chiqarib tashlanadi;

53-bandda:

to‘rtinchi xatboshidan “muhrlangan konvertda” so‘zlari chiqarib tashlanadi;

oltinchi xatboshidan “muhri va” so‘zlari chiqarib tashlanadi;

74-bandi to‘qqizinchi xatboshisidan “muhri va” so‘zlari chiqarib tashlanadi;

g) 4-ilovada:

7-band ikkinchi xatboshidan “va ariza beruvchining muhri bilan tasdiqlanishi” so‘zlari chiqarib tashlanadi;

36-band beshinchi xatboshidan “muhri va” so‘zlari chiqarib tashlanadi;

56-bandda:

to‘rtinchi xatboshidan “muhrlangan konvertda” so‘zlari chiqarib tashlanadi;

beshinchi xatboshidan “muhri va” so‘zlari chiqarib tashlanadi;

79-band sakkizinchi xatboshidan “muhri va” so‘zlari chiqarib tashlanadi;

d) 5-ilovaning 16-bandida:

to‘rtinchi xatboshidan “muhrlangan konvertda” so‘zlari chiqarib tashlanadi;

beshinchi xatboshidan “muhri va” so‘zlari chiqarib tashlanadi;

ye) 6-ilova 8-bandi sakkizinchi xatboshisidan “muhri va” so‘zlari chiqarib tashlanadi.

Vazirlar Mahkamasining 2014 yil 31 dekabrdagi 378-son qarori bilan tasdiqlangan Kichik sanoat zonalarini barpo etish va ularning faoliyatini tashkil qilish tartibi to‘g‘risidagi Nizomning 13-bandi to‘qqizinchi xatboshining rus tilidagi matnidan “pechatyu i” so‘zlari chiqarib tashlanadi.

Vazirlar Mahkamasining 2017 yil 6 apreldagi 185-sonli “Dori vositalari va farmatsevtika faoliyati to‘g‘risida”gi O‘zbekiston Respublikasi Qonuniga o‘zgartish va qo‘shimchalar kiritish haqida” 2016 yil 4 yanvardagi O‘RQ-399-son O‘zbekiston Respublikasi Qonunini amalga oshirish chora-tadbirlari to‘g‘risida”gi Qarorida:

1-ilovaning 40-bandidagi “agar muhr mavjud bo‘lsa” so‘zlari “tadbirkorlik sub'yektlari bundan mustasno” so‘zlariga almashtiriladi;

3-ilovaning 22-bandidagi “agar muhr mavjud bo‘lsa” so‘zlari “tadbirkorlik sub'yektlari bundan mustasno” so‘zlariga almashtiriladi.

Vazirlar Mahkamasining 2017 yil 27 apreldagi 246-son qarori bilan tasdiqlangan Mehnatni muhofaza qilish sohasidagi xizmatlar bozorining professional ishtirokchilari faoliyatini tashkil etish va ularning yagona reyestrini yuritish tartibi to‘g‘risidagi Nizomning 18-bandi 2-xatboshisi quyidagi tahrirda bayon etiladi:

“Ariza tashkilot blankasida to‘ldiriladi, tashkilot rahbari tomonidan imzolanadi va tashkilot muhri bilan (tadbirkorlik sub'yektlari bundan mustasno) tasdiqlanadi”.

Vazirlar Mahkamasining 2017 yil 12 maydagi 284-son qarori bilan tasdiqlangan Dori vositalari va tibbiy buyumlarni chakana realizatsiya qilishni litsenziyalash tartibi to‘g‘risidagi Nizomda:

a) 3-ilovadan izoh chiqarib tashlanadi;

b) 4-ilovadan izoh chiqarib tashlanadi.

Vazirlar Mahkamasining 2017 yil 5 iyundagi 355-son qarori bilan tasdiqlangan Turoperator va mehmonxona xizmatlarini sertifikatlashtirish tartibi to‘g‘risidagi Nizomda:

a) 7-band birinchi xatboshi, 8-band birinchi xatboshi va 65-band uchinchi xatboshidan “va muhri (mavjud bo‘lsa)” so‘zlari chiqarib tashlanadi;

b) 5a-ilovaga Izohlarning 2-bandidan “muhr bilan (mavjud bo‘lganda) tasdiqlangan” so‘zlari chiqarib tashlanadi.

Vazirlar Mahkamasining 2017 yil 24 iyundagi 427-son qarori bilan tasdiqlangan Bosim ostida ishlaydigan uskunalarning xavfsizligi to‘g‘risidagi umumiy texnik Reglamentning 130-bandi ikkinchi xatboshining rus tilidagi matnidan “prostavlyayetsya pechat izgotovitelya i” so‘zlari chiqarib tashlanadi.

Vazirlar Mahkamasining 2017 yil 15 avgustdagi 631-son qarori bilan tasdiqlangan Axborot texnologiyalarini ishlab chiqish va joriy qilishni qo‘llab-quvvatlash bo‘yicha «Mirzo Ulugbek Innovation Center» innovatsiya markazi to‘g‘risidagi Nizomning 7-bandi oltinchi xatboshisidagi “bor bo‘lsa” so‘zlari “tadbirkorlik sub'yektlari bundan mustasno” so‘zlari bilan almashtiriladi.

Vazirlar Mahkamasining 2017 yil 31 avgustdagi 683-son qarori bilan tasdiqlangan Avtomototransport vositalarini davlat ro‘yxatidan o‘tkazish tartibi to‘g‘risidagi Nizomning 17-bandi o‘n uchinchi xatboshisi quyidagi tahrirda bayon etiladi:

“yuridik shaxsning rahbari (direktor, rais) tomonidan imzolangan va uning muhri bilan tasdiqlangan yuridik shaxs vakili vakolatlarini tasdiqlovchi ishonchnoma. Yuridik shaxsning erkinliklarini ifodalagan holatlarda ishonchnomaning o‘rniga uning rahbari tomonidan uni ushbu lavozimga tayinlash to‘g‘risidagi qarorning nusxasi yuridik shaxsning muhri bilan tasdiqlangan holda (tadbirkorlik sub'yektlari bundan mustasno) taqdim etiladi;”

Vazirlar Mahkamasining 2017 yil 30 sentabrdagi 777-son qarori bilan tasdiqlangan Qimmatbaho metallar va qimmatbaho toshlardan zargarlik va boshqa buyumlar ishlab chiqarishni litsenziyalash tartibi to‘g‘risidagi Nizomning 8-bandi o‘n to‘rtinchi xatboshisidan “muhrlangan” so‘zlari chiqarib tashlanadi.

Vazirlar Mahkamasining 2017 yil 6 oktabrdagi 801-son qarori bilan tasdiqlangan Liftlar xavfsizligi to‘g‘risidagi umumiy texnik Reglamentning 34-bandi ikkinchi xatboshisidan “prostavleniyem pechati oformivshey organizatsii i” so‘zlari chiqarib tashlanadi.

Vazirlar Mahkamasining 2017 yil 21 dekabrdagi 1006-son qarori tasdiqlangan Eksport kontraktlarini ro‘yxatdan o‘tkazish tartibi to‘g‘risida Nizomda:

a) 34-banddan to‘rtinchi jumla chiqarib tashlanadi;

b) 42-band quyidagi tahrirda bayon etiladi:

“Eksport kontrakti asl nusxasining har bir varag‘i vakolatli organning vakolatli mansabdor shaxslari tomonidan imzolanadi”;

Vazirlar Mahkamasining 2017 yil 29 dekabrdagi 1036-son qarori tasdiqlangan Yangi ish o‘rinlari tashkil etish va aholini ish bilan ta'minlashda faol ishtirok etayotgan ish beruvchilarning reytingini aniqlash, shuningdek, ularga ijtimoiy rag‘batlantirish choralarini qo‘llash tartibi to‘g‘risidagi Nizomning 9-bandi quyidagi tahrirda bayon etiladi:

“Ushbu Nizomning 8-bandiga muvofiq reytingda ishtirok etish uchun taqdim etilgan hujjatlar tashkilot rahbari yoki uning vakolatli vakili imzosi va tashkilot muhri (tadbirkorlik sub'yektlari bundan mustasno) bilan tasdiqlanadi”.

Vazirlar Mahkamasining 2018 yil 22 fevraldagi 136-sonli “Toshkent shahrining shahar tashish yo‘lovchi transporti tashkilotlarini moliyaviy qo‘llab-quvvatlashga doir qo‘shimcha chora-tadbirlar to‘g‘risida”gi Qarori 4-bandi uchinchi xatboshisidan “muhri va” so‘zlari chiqarib tashlanadi.

Vazirlar Mahkamasining 2018 yil 22 fevraldagi 138-sonli qarori bilan tasdiqlangan Avtomototransport vositasi konstruksiyasining va (yoki) uning qismining yo‘l harakati xavfsizligi talablariga muvofiqligi to‘g‘risida guvohnoma va avtomototransport vositasini qayta jihozlashga ruxsatnoma berish tartibi to‘g‘risidagi Nizomda:

a) 46-bandi ikkinchi xatboshisidan “uning muhri bilan tasdiqlanadi” so‘zlari chiqarib tashlanadi;

b) 3-ilovaga Izohlarning 2-bandidan “muhri bilan tasdiqlanadi” so‘zlari chiqarib tashlanadi.

Vazirlar Mahkamasining 2018 yil 23 martdagi 213-son qarori bilan tasdiqlangan Dori vositalari, tibbiy buyumlar va tibbiy texnikani davlat ro‘yxatidan o‘tkazish hamda ro‘yxatdan o‘tkazilganlik guvohnomasi berish tartibi to‘g‘risidagi Nizomning 10-bandi “b” kichik bandidan “va muhri” so‘zlari chiqarib tashlanadi.

Vazirlar Mahkamasining 2018 yil 5 iyuldagi 504-son qarori bilan tasdiqlangan O‘zbekiston Respublikasi hududida chegara rejimi to‘g‘risidagi Nizomning 16-bandidan “hamda muhr” so‘zlari chiqarib tashlanadi.