Buffon faoliyatidagi eng yorqin o‘yinlarni aytib berdi

«Pari Sen-Jyermen» darvozaboni Janluiji Buffon faoliyatidagi eng esda qolarli o‘yinlari haqida ma'lumot berdi.

«Bunday o‘yinlar ko‘p bo‘lgan. Ayniqsa, «Liverpul»ga qarshi Enfildda yoki «Reyndjers»ga qarshi Glazgoda yoki «Fenerbaxche»ga qarshi Istanbulda o‘tgan bahslardagi hayajon tufayli ba'zi muamolarga duch kelganman. 

«Parma» tarkibida «Milan»ga qarshi debyut o‘yinimni hech qachon unutmayman. Bundan tashqari, UYeFA Kubogi, Italiya Kubogi va mamlakat Superkubogidagi g‘alabalarni esdan chiqarmayman.

«Yuventus» tarkibidagi «Real»ga qarshi Chempionlar Ligasi chorakfinalida yutqazganimizga qaramay, bu o‘yin men uchun haqiqiy orzu bo‘lgan, hissiyotlarga juda boy o‘tgan.

Eng yaxshi o‘yin? Agar faqat bittasini tanlaydigan bo‘lsam, jahon chempionati finalini aytgan bo‘lardim», — deb Buffon so‘zlarini keltirmoqda  Football Italia.