13:07 / 13.10.2018
50814

50 Cent Habib Nurmagomedovga 2 mln dollar taklif qildi

Foto: Getty Images

Amerikalik mashhur rep ijrochi, 50 cent taxallusi ostida ijod qiluvchi Kertis Jyekson rossiyalik jangchi Habib Nurmagomedovning Mutlaq jangchilar chempionatidan (UFC) ehtimoliy ketishi haqida o‘z fikrini bildirdi.

Musiqachi UFC 229 musobaqasida Konor Makgregor ustidan qozonilgan g‘alabadan so‘ng yuz bergan mushtlashuv sababli rossiyalikka gonorar to‘lamayotgan UFC rahbariyatining xatti-harakatlarini qoralab chiqdi. 50 cent so‘zlariga ko‘ra, u Bellator’ga o‘tishi uchun Habibga pul to‘lashga tayyor.

«UFC’ning Habibga nisbatan ko‘rsatayotgan munosabati - noto‘g‘ri, chunki ular Konor bilan ham xuddi shu ishni qilishmadi. Agar Habib men uchun Bellator’da jang qilsa, bugunning o‘zidayoq 2 million dollar naqd pul to‘layman», - deya yozgan rep ijrochi tvitterda.

Eslatib o‘tamiz, avvalroq Habib Nurmagomedov o‘ziga kelib tushgan taklif haqida ma'lum qilgandi.

Mavzu
Nurmagomedov va Makgregor mojarosi
Xabib Nurmagomedov himoya jangida Konor Makgregorni bo‘g‘ish usuli bilan mag‘lub etdi. Ammo jang tugashi bilan oktagon tashqarisida va oktagon ichida janjal yuzaga keldi.
Barchasi
Mavzuga oid
Top