Xalqaro tartib tom ma'noda barbod bo‘lmoqda – Erdo‘g‘an 

Milliardlab odamlar o‘z umidlarini bog‘laydigan xalqaro tartib tom ma'noda barbod bo‘lmoqda. Bunday fikrni Turkiya prezidenti Rajab Toyyib Erdo‘g‘an bildirdi.

“Yomon tartib tartibsizlikdan yaxshiroq degan fikr tartibsizlikni davom ettirmaslikka chorlaydi. Aksincha, u zudlik bilan o‘zgartirishlar amalga oshirish zarurligiga ishora qiladi. Turkiya BMTni, ayniqsa Xavfsizlik kengashini zudlik bilan isloh qilish zarurligini aytadi. “Dunyo beshdan kattaroqdir” (BMT Xavfsizlik kengashining 5 doimiy a'zosi: Rossiya, AQSh, Buyuk Britaniya, Fransiya va Xitoy nazarda tutilgan) fikri bilan ifodalangan chorlovimiz negizida adolatga talab yotadi”, deb aytgan Erdo‘g‘an.  

Turkiya yetakchisi avvalroq Rossiya va Turkiya o‘rtasida Suriyaning Idlibidagi vaziyatni tartibga solish bo‘yicha erishilgan kelishuvlar muhimligini ta'kidlab o‘tgan. “Biz tomondan Idlibda erishilgan barqarorlik o‘n minglab odamlarni o‘limdan, millionlab odamlarni faqirlikdan saqlab qoldi”, deb ta'kidlab o‘tgan Erdo‘g‘an.