Toshkentda avtomashinalar raqamini o‘g‘irlagan shaxs qo‘lga tushdi

Shu yil 18 iyul kuni noma'lum shaxs Toshkent shahrining Mirzo Ulug‘bek tumanida 5ta turli rusumdagi avtomashinalarining old va orqa tomon davlat raqam belgilarini yechib olgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, u avtomashinalarga qo‘lda yozilgan “svyajites so mnoy v telegramme @vash nomer”, deb yozilgan ma'nodagi xatlarni qoldirib, voqea joyidan yashiringan.

Holat yuzasidan jinoyat ishi qo‘zg‘atilgan. Ko‘rilgan choralar natijasida ushbu jinoyatni Bektemir tumanida yashovchi T.D. sodir etganligi aniqlanib, qo‘lga olingan. 

Tergov harakatlari davom etmoqda.