«Atletiko» o‘z o‘yinida ochko oldi, «Real» to‘rtlikdan tashqarida

Ispaniya chempionatining 9-turida Madridning «Atletiko» klubi «Vilyarreal» mehmoni bo‘lib, 1:1 hisobidagi durang natijani qayd etdi.

O‘yinning ikkinchi bo‘limi boshida mehmonlarning braziliyalik himoyachisi Filipe Luis hisobni ochdi. Ammo ko‘p o‘tmay Mario Gaspar hisobni tenglashtiruvchi golni urdi.

Bu o‘yindan keyin «Atletiko» 16 ochko to‘plagan holda turnir jadvalida to‘rtinchi o‘rinda joylashgan. «Vilyarreal» 9 ochkosi bilan 14-o‘rinda qolmoqda. Keyingi turda «Atletiko» o‘z maydonida «Real Sosedad» bilan o‘ynaydi, bu o‘yin 27 oktabrga belgilangan. «Vilyarreal» ayni vaqtda 17 ochko to‘plagan holda turnir jadvalining ikkinchi o‘rniga chiqib olgan «Alaves» maydoniga safar qiladi, uchrashuv 28 oktabrga belgilangan.

9 turda «Sevilya»ni mag‘lubiyatga uchratgan «Barselona» birinchi o‘rinni qaytarib olgan, andalusiyaliklar jamoasi uchinchi o‘ringa tushib ketgan, navbatdagi muvaffaqiyatsizlikdan keyin esa «Real» kuchli to‘rtlikdan tashqarida qolgan (jamoa bu turda o‘z uyida «Levante»ga yutqazdi).

Ispaniya chempionati
9-tur
Vilyarreal – Atletiko 1:1 (0:0, 1:1)
Gollar: 0:1 – 51 Filipe Luis, 1:1 – 65 Mario Gaspar.
Vilyarreal – Asenxo, Mario Gaspar, Alvaro Gonsales, Funes Mori, Kosta, Iturra (Bakka, 64; Toko-Ekambi, 76), Trigeros, Kasorla, Fornals, Pedrasa (Kaseres, 73), Moreno.
Atletiko – Oblak, Xuanfran, Ximenes, Lyuka Ernandes, Filipe Luis (Godin, 77), Saul, Parti, Rodri Ernandes (Lemar, 46), Koke, Kalinich (Korrea, 46), Grizmann.
Ogohlantirishlar: Xuanfran (28), Iturra (31), Alvaro Gonsales (44), Pedrasa (68).