Boshoqli don ekinlari somonini yoqib yuborish oqibatida yetkaziladigan zararni aniqlash va jarimalar qo‘llash bo‘yicha nizomga o‘zgartirishlar kiritildi

Ekologiya va atrof-muhitni muhofaza qilish davlat qo‘mitasi, Qishloq xo‘jaligi vazirligi, Moliya vazirligining qarori bilan Boshoqli don ekinlari somonini yoqib yuborilishi natijasida yetkaziladigan zararni aniqlash hamda ushbu holatlarni sodir etgan yuridik va jismoniy shaxslarga nisbatan jarimalar qo‘llash bo‘yicha nizomga o‘zgartirishlar kiritildi.

Kiritilayotgan o‘zgartirishlar:

1. 1-banddagi “tabiatni muhofaza qilish” degan so‘zlar “ekologiya va atrof-muhitni muhofaza qilish” degan so‘zlar bilan almashtirildi.

2. 7-banddagi “Tabiatni muhofaza qilish davlat qo‘mitasi va uning hududiy qo‘mitalari” degan so‘zlar “Ekologiya va atrof-muhitni muhofaza qilish davlat qo‘mitasi va uning hududiy boshqarmalari” degan so‘zlar bilan almashtirildi.

3. 8-banddagi “Tabiatni muhofaza qilish davlat qo‘mitasi davlat inspektorlari” degan so‘zlar “Ekologiya va atrof-muhitni muhofaza qilish davlat qo‘mitasi davlat inspektorlari” degan so‘zlar bilan almashtirildi.

4. 9-bandda:

ikkinchi xatboshidagi “Tabiatni muhofaza qilish mahalliy jamg‘armalariga” degan so‘zlar “Ekologiya, atrof-muhitni muhofaza qilish va chiqindilar bilan bog‘liq ishlarni amalga oshirish jamg‘armasiga” degan so‘zlarga almashtirildi;

uchinchi xatboshidagi “Tabiatni muhofaza qilish mahalliy jamg‘armalari” degan so‘zlar “Ekologiya, atrof-muhitni muhofaza qilish va chiqindilar bilan bog‘liq ishlarni amalga oshirish jamg‘armasi” degan so‘zlarga almashtirildi;

to‘rtinchi xatboshi quyidagi tahrirda bayon etildi:

“O‘zbekiston Respublikasi Ekologiya va atrof-muhitni muhofaza qilish davlat qo‘mitasi huzuridagi Ekologiya, atrof-muhitni muhofaza qilish va chiqindilar bilan bog‘liq ishlarni amalga oshirish jamg‘armasiga tushgan mablag‘lar O‘zbekiston Respublikasi Vazirlar Mahkamasining 2017 yil 15 iyundagi 375-son qarori bilan tasdiqlangan Ekologiya, atrof-muhitni muhofaza qilish va chiqindilar bilan bog‘liq ishlarni amalga oshirish jamg‘armasi mablag‘larini shakllantirish va ulardan foydalanish tartibi to‘g‘risidagi nizomga asosan ishlatiladi”.

5. Mazkur o‘zgartirishlar O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi, O‘zbekiston Fermer, dehqon xo‘jaliklari va tomorqa yer egalari kengashi va O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi bilan kelishilgan.