Qoshiqchi ishi. Merkel bayonot berdi

Germaniya kansleri Angela Merkelning ma'lum qilishicha, ayni damda Saudiya Arabistoniga qurol eksportini davom ettirish mumkin, deb hisoblamaydi. Bu haqda u matbuot anjumanida aytib o‘tdi, deya xabar beradi Reuters.

Bunday qaror saudiyalik muxolif jurnalist Jamol Qoshiqchining o‘ldirilishi bilan bog‘liq. Uning so‘zlariga ko‘ra, Germaniya hukumati qotillikni qoralaydi. Merkel, shuningdek, voqeaning barcha tafsilotlarini aniqlashtirishga chaqirdi.

«Qurol-yarog‘ eksportiga keladigan bo‘lsak, uni hozirgi sharoitda amalga oshirish mumkin emas», - deya qo‘shimcha qilib o‘tdi Germaniya kansleri.

Eslatib o‘tamiz, avvalroq Saudiya Arabistoni bosh prokurori saudiyalik jurnalist Jamol Qoshiqchining o‘limi haqida ma'lum qilgandi.

Mavjud ma'lumotlarga ko‘ra, Saudiya Arabistonining Istanbuldagi konsulligida janjal yuz bergan, bu mushtlashuvga olib kelgan, so‘ng Qoshiqchi hayotdan ko‘z yumgan.