Pyotr Karimovning «O‘zbekiston havo yo‘llari»ga qarshi ishi to‘xtatildi

O‘zbekiston birinchi prezidenti Islom Karimovning o‘g‘li Pyotr Karimovning «O‘zbekiston havo yo‘llari» milliy aviakompaniyasiga qarshi ishi to‘xtatildi. Bundan Moskva shahrining umumiy yurisdiksiya sudlari rasmiy portalidagi ma'lumotlar darak bermoqda.

Ma'lumotlarga ko‘ra, ish masala bo‘yicha da'vogar va javob beruvchi o‘rtasida muddatdan avval kelishuvga erishilgani tufayli to‘xtatildi.

Eslatib o‘tamiz, avvalroq O‘zbekiston sobiq prezidenti Islom Karimovning o‘g‘li - Pyotr - Moskva shahrining Tver sudiga ish beruvchidan o‘ziga belgilangan pul mablag‘larini undirib berishni so‘rab murojaat qilgandi.

Pyotr Karimov «O‘zbekiston havo yo‘llari» milliy aviakompaniyasida bir necha yil davomida yuqori lavozimda ishlagan, biroq otasining o‘limidan biroz vaqt o‘tgach, o‘z o‘rnini yo‘qotgan. Bunday holatlarda berilishi mo‘ljallangan pul mablag‘lari unga to‘lanmagan.