Efiopiya prezidenti ilk bor ayol kishi bo‘ldi

Efiopiya prezidenti ilk bor ayol kishi bo‘ldi. Mamlakat parlamenti bu lavozimga Saxle-Vork Zevdeni sayladi. Bu haqda AP axborot agentligi xabar berdi. 

Ta'kidlanishicha, prezident etib saylangan Saxle-Vork Zevde tajribali diplomat hisoblanadi, ko‘p yillar davomida BMTda ishlagan. BMTning Nayrobidagi bo‘limining birinchi bosh direktori, yaqin vaqtgacha esa BMT bosh kotibining Afrika ittifoqidagi maxsus vakili bo‘lgan.

Zevde prezident lavozimida o‘z e'tiborini oxirgi oylarda bir nechta etnik ixtiloflar davom etayotgan Efiopiyada tinchlikka erishish uchun barcha tomonlarni birlashtirishga qaratishini aytgan.