O‘zbekiston prezidenti Turkiya prezidentini tabrikladi

O‘zbekiston prezidenti Shavkat Mirziyoyev Turkiya prezidenti Rajab Toyyib Erdo‘g‘anni 29 oktabr – Jumhuriyat bayrami munosabati bilan tabrikladi.

Turkiyada har yili 29 oktabrda nishonlanadigan Respublika kuni 1923 yilda Turkiya respublikasining e'lon qilinishi xotirasiga bag‘ishlab o‘rnatilgan. Shu kuni mamlakat konstitutsiyasiga tuzatishlar kiritildi, oqibatda Usmonli imperiyasi quladi hamda Turkiya respublikaga aylandi.

Respublika kuni har yili Turkiyaning butun hududi bo‘ylab nishonlanadi. Bayram tadbirlari, odatda, 28 oktabr kuni tushdan keyin boshlanadi. Bayram kunida davlat bayroqlari ko‘tariladi, davlat idoralari, o‘quv muassasalari va maktablarda dam olish kunidir.