Abdulaziz Komilov Pokistonga boradi

Foto: KUN.UZ

2018 yilning 1 noyabr kuni O‘zbekiston Respublikasi tashqi ishlar vaziri Abdulaziz Komilov boshchiligidagi delegatsiya Pokiston Islom Respublikasida bo‘ladi.

TIV xabariga ko‘ra, tashrif doirasida O‘zbekiston delegatsiyasi Islomobod shahrida Pokiston bosh vaziri Imron Xon bilan uchrashadi.

Shuningdek, tashqi ishlar vaziri Mahmud Qurayshiy va Qurolli kuchlarning Quruqlikdagi qo‘shinlari qo‘mondoni general Qamar Bajva bilan uchrashuv va muzokaralar o‘tkaziladi.

Eslatib o‘tamiz, avvalroq Abdulaziz Komilov O‘zbekiston prezidenti tashrifiga tayyorgarlik ko‘rish uchun Germaniyaga borishi xabar berilgandi.