Xabarlarga koʻra, tayinlov toʻgʻrisidagi buyruqni oliy taʼlim, fan va innovatsiyalar vaziri imzolagan.
Saodat Nosirova bunga qadar Toshkent davlat sharqshunoslik universiteti huzuridagi Konfutsiy nomidagi Oʻzbek-Xitoy instituti direktori lavozimida faoliyat yuritgan.
Oliygohning avvalgi rahbari Gulchehra Rixsiyeva 2019-yil iyun oyida, muassasa hali Toshkent davlat sharqshunoslik instituti maqomida boʻlgan paytda rektor etib tayinlangan. Oʻshanda u uzoq yillar institutni boshqargan Abdurahim Mannonovning oʻrnini egallagan edi.
Gulchehra Rixsiyeva 1971-yilda tugʻilgan, 1993-yilda Toshkent davlat universitetini tamomlagan. Rektorlikka tayinlanishidan oldin Oliy Majlis Senatining Fan, taʼlim va sogʻliqni saqlash masalalari qoʻmitasi raisi oʻrinbosari boʻlib ishlagan.
U rahbarlik qilgan davrda, 2020-yilda oliygoh Toshkent davlat sharqshunoslik universiteti sifatida qayta tashkil etilgan.
Yangi tayinlov haqidagi xabarda Gulchehra Rixsiyevaning lavozimdan ketish sababi yoki keyingi ish faoliyati haqida maʼlumot keltirilmagan.
