Grizmann faoliyatini Bundesligada davom ettirishi mumkin

«Atletiko» hujumchisi Antuan Grizmann faoliyatini Germaniya chempionatida davom ettirishi mumkinligini tan oldi.

«Bundesliga – juda jozibali chempionat, bu yerda jamoalar hujumkor o‘yin namoyish qilishadi va ko‘plab gol urishadi. Qachonlardir o‘z kuchimni bu turnirda sinab ko‘rishim mumkin. Ammo, hozircha «Atletiko»da meni hamma narsa qoniqtiradi. Bu loyiha bilan 100% bog‘langanman. Biz bir-birimizga rivojlanishda yordam bermoqdamiz. Tarixni yozmoqchimiz» – deb  27 yoshli fransiyalik so‘zlarini keltirmoqda Goal.

Qayd qilish joizki, Grizmann faoliyatining barcha qismini Ispaniyada o‘tkazmoqda. U «Real Sosedad» klubida ham o‘ynagan. «Atletiko» bilan imzolagan shartnomasi 2023 yilgacha mo‘ljallangan.