GRU boshlig‘i Igor Korobov vafot etdi

Rossiya bosh shtabi bosh boshqarmasi (GRU) boshlig‘i Igor Korobov 63 yoshida vafot etdi. Bu haqda Rossiya mudofaa vazirligi ma'lum qildi.  

Ma'lum qilinishicha, Korobov og‘ir va uzoq davom etgan kasallikdan vafot etgan.

Korobov 1956 yilda Vyazma shahrida tug‘ilgan. Harbiy xizmatni Arxangelskdagi aviapolkda o‘tagan. 1980 yilda Bosh shtab bosh razvedka boshqarmasiga yuborilgan. Turli lavozimlarda ishlagan, jumladan bosh boshqarmaning xorijiy rezidenturalariga boshchilik qilgan.

Korobov GRUni 2016 yil yanvarda Igor Sergun vafotidan keyin boshqara boshlagan. General davlat mukofotlari, jumladan Rossiya qahramoni unvoni bilan taqdirlangan.

Korobovning ortidan rafiqasi va ikki qizi qoldi.